1.1 йўл белгиси «Шлагбаумли темир йўл кесишмаси»

1.1 белгиси нимани англатади
Олдинда шлагбаум билан жиҳозланган темир йўл кесишмаси борлигидан огоҳлантиради.
Қаерда ўрнатилади
Аҳоли пунктларида хавфли жойдан 50–100 метр олдин, аҳоли пунктларидан ташқарида эса 150–300 метр олдин ўрнатилади. Зарур ҳолларда бошқа масофада ҳам қўйилиши мумкин — у ҳолда масофа белги остидаги 7.1.1 «Объектгача бўлган масофа» қўшимча белгисида кўрсатилади. Хавфли қисмнинг узунлиги 7.2.1 «Таъсир оралиғи» белгиси билан кўрсатилиши мумкин.
Аҳоли пунктларидан ташқарида бу белги такроран ўрнатилади: иккинчи белги хавфли қисм бошланишига камида 50 метр қолганда қўйилади.
Ҳайдовчи нима қилиши керак
- Темир йўл кесишмаларида ва уларга 100 метрдан кам масофа қолганда қувиб ўтиш тақиқланади (ЙҲҚ 86-банд).
- Темир йўл кесишмаларида қайрилиб олиш тақиқланади (ЙҲҚ 62-банд).
- Кесишмадан кейин тирбандлик бўлиб, ҳайдовчи кесишманинг устида тўхтаб қолишга мажбур бўлиши мумкин бўлса, темир йўл кесишмасига кириш тақиқланади (ЙҲҚ 118-банд).
Шу белгига оид тест саволлари
Тренажёрда шу белгига боғлиқ саволлар бор.
Қайси белги шлагбаумли темир йўл кесишмасига яқинлашганлик ҳақида огоҳлантиради?
Тўғри жавоб: 4
43-билет, 6-саволни очишБу жойда автобусни қувиб ўтишга рухсат этиладими?
Тўғри жавоб: Рухсат этилади
44-билет, 15-саволни очишБу белгилар аҳоли яшайдиган жойларда хавфли йўл қисми бошланишидан қанча масофада ўрнатилади?
Тўғри жавоб: 50-100 м
53-билет, 14-саволни очиш





