1.9 йўл белгиси «Кўтарма кўприк»

1.9 белгиси нимани англатади
Олдинда кўтарма кўприк ёки солда (паромда) кесиб ўтиш жойи борлигидан огоҳлантиради.
Қаерда ўрнатилади
Аҳоли пунктларида хавфли жойдан 50–100 метр олдин, аҳоли пунктларидан ташқарида эса 150–300 метр олдин ўрнатилади. Зарур ҳолларда бошқа масофада ҳам қўйилиши мумкин — у ҳолда масофа белги остидаги 7.1.1 «Объектгача бўлган масофа» қўшимча белгисида кўрсатилади. Хавфли қисмнинг узунлиги 7.2.1 «Таъсир оралиғи» белгиси билан кўрсатилиши мумкин.
Аҳоли пунктларидан ташқарида бу белги такроран ўрнатилади: иккинчи белги хавфли қисм бошланишига камида 50 метр қолганда қўйилади.
Ҳайдовчи нима қилиши керак
- Кўприкларда, йўл ўтказгичларда, эстакадаларда ва уларнинг остида қувиб ўтиш тақиқланади (ЙҲҚ 86-банд).
- Кўприклар, йўл ўтказгичлар, эстакадалар ва уларнинг остида қайрилиб олиш тақиқланади (тегишли белгилар билан рухсат берилган жойлар бундан мустасно) — ЙҲҚ 62-банд.





