1.7 йўл белгиси «Айланма ҳаракатланиш билан кесишув»

1.7 белгиси нимани англатади
Олдинда айланма ҳаракатланиш ташкил этилган чорраҳа борлигидан огоҳлантиради.
Қаерда ўрнатилади
Аҳоли пунктларида хавфли жойдан 50–100 метр олдин, аҳоли пунктларидан ташқарида эса 150–300 метр олдин ўрнатилади. Зарур ҳолларда бошқа масофада ҳам қўйилиши мумкин — у ҳолда масофа белги остидаги 7.1.1 «Объектгача бўлган масофа» қўшимча белгисида кўрсатилади. Хавфли қисмнинг узунлиги 7.2.1 «Таъсир оралиғи» белгиси билан кўрсатилиши мумкин.
Ҳайдовчи нима қилиши керак
- Айланма ҳаракатланиш чорраҳасида айлана бўйлаб ҳаракатланаётган транспорт воситалари айланага кириб келаётган транспорт воситаларига нисбатан имтиёзга эга (ЙҲҚ 98-банд).
- Ўнгга, чапга бурилиш ёки қайрилиб олишдан олдин ҳайдовчи қатнов қисмининг мос четки ҳолатини олдиндан эгаллаши шарт, айланма ҳаракатланиш ташкил қилинган чорраҳага киришдаги бурилиш бундан мустасно: айланага киришда четки ҳолатни эгаллаш талаб этилмайди (ЙҲҚ 56-банд).





