5-модул: Манёвр, тезлик, тўхташ · 43 тадан 22-дарс

Қатнов қисмида жойлашув

Қайси полосани эгаллаш ва қаерда юриш

  • видео 27 дақ
  • 43 савол
Тезлик
Кейинги дарс

Мавзу ҳақида қисқача

  • Ҳаракатланиш тасмалари сони йўл чизиқлари ва (ёки) 5.8.1, 5.8.2, 5.8.7, 5.8.8 йўл белгилари билан белгиланади. Улар бўлмаса, ҳайдовчилар қатнов қисмининг кенглиги, транспорт воситаларининг габарит ўлчамлари ва зарур ёнлама оралиқ масофани ҳисобга олиб ўзлари аниқлайди (64-банд).
  • Икки томонлама ҳаракатли йўлда қатнов қисмининг чап ярми қарама-қарши йўналиш учун ҳисобланади. У трамвай йўли, ажратувчи минтақа, узлуксиз 1.1, 1.3 чизиқлар ёки узуқ-узуқ томони чапда жойлашган 1.11 чизиғи билан ажратилган бўлса, унга чиқиш тақиқланади (64-банд).
  • Тўрт ва ундан ортиқ тасмали йўлда қарама-қарши тасмаларга чиқиш тақиқланади. Чизиқлар билан белгиланган уч тасмали (1.9 чизиғидан ташқари) икки томонлама йўлда ўрта қаторга фақат қувиб ўтиш, айланиб ўтиш, чапга бурилиш ва қайрилиб олиш учун чиқилади; четки чап қаторни эгаллаш тақиқланади (65, 66-банд).
  • Аҳоли пунктларидан ташқарида қатнов қисмининг ўнг четига мумкин қадар яқин юрилади; ўнг тасмалар бўш бўлса, чап тасмаларни эгаллаш тақиқланади. Аҳоли пунктларида қулай тасмадан фойдаланиш мумкин. Соатига 40 км дан ошира олмайдиган транспорт воситалари четки ўнг қатордан юради, айланиб ўтиш, қувиб ўтиш ва чапга бурилиш учун қайта тизилиш бундан мустасно (67, 68-банд).
  • Бир йўналишда уч ва ундан ортиқ тасма бўлса, четки чап қаторни серқатновлик туфайли бошқа тасмалар банд бўлганда, қувиб ўтиш, чапга бурилиш ёки қайрилиб олиш учун эгаллаш мумкин; юк автомобиллари уни фақат чапга бурилиш ёки қайрилиб олиш учун эгаллайди (67-банд).
  • Чап томондаги, қатнов қисми билан бир сатҳдаги бир йўналишли трамвай йўлидан бошқа тасмалар банд бўлганда, айланиб ўтишда, чапга бурилишда ва қайрилиб олишда трамвайга халақит бермай юриш мумкин. Қарама-қарши йўлдан юриш тақиқланади; чорраҳа олдида 5.8.1 ёки 5.8.2 белгиси бўлса, чорраҳада трамвай йўлидан юрилмайди (69-банд).
  • Қатнов қисми чизиқлар билан тасмаларга ажратилган бўлса, қатъий ўз тасмангизда юрилади; узуқ-узуқ чизиқни фақат қайта тизилишда босиб ўтиш мумкин (70-банд). Реверсив ҳаракатли йўлга бурилганда қатнов қисмлари кесишмасидан чиқиб, четки ўнг қаторни эгаллаш керак (71-банд).
  • Механик транспорт воситаларининг ажратувчи минтақалар, йўл ёқалари, тротуарлар, пиёдалар ва велосипед йўлкаларида ҳаракатланиши тақиқланади. Бошқа имконият бўлмаса, йўл ёқаси ёки тротуар олдидаги савдо шохобчалари ва корхоналарга юк олиб кириш учун энг яқин йўлдан киришга рухсат этилади (72-банд).
  • Ҳайдовчи олдидаги транспорт воситаси кескин тормоз берганда тўқнашиб кетмаслик кафолатини берадиган оралиқ масофани ва хавфсиз ёнлама оралиқ масофани сақлайди; метрларда белгиланган сон йўқ. Тўсиқ ўз томонида бўлган ҳайдовчи йўл беради; кўприк устунлари ва хавфсизлик оролчалари ўнг томондан айланиб ўтилади (73, 75, 76-банд).

Имтиҳондаги тез-тез учрайдиган хато: Соатига 40 км дан ошира олмайдиган транспорт воситаси чап тасмага фақат чапга бурилиш ва қайрилиб олиш учун чиқади, деб ҳисоблаш: айланиб ўтиш ва қувиб ўтиш учун ҳам чиқиш мумкин.

Мавзу бўйича машқ

Тренажёр «Транспорт воситаларининг жойлашуви» мавзуси саволларини очади: 43 савол. 90% дан юқори натижа ўтилган машқ ҳисобланади.

Бу дарсдаги белгилар

Барча йўл белгилари

Мавзу бўйича ЙҲҚ бандлари

Ўзбекистон ЙҲҚ расмий матнида:

Қўнғироқ қилиш