5-modul: Manyovr, tezlik, toʻxtash · 43 tadan 22-dars
Qatnov qismida joylashuv
Qaysi polosani egallash va qayerda yurish
- video 27 daq
- 43 savol
Mavzu haqida qisqacha
- Harakatlanish tasmalari soni yoʻl chiziqlari va (yoki) 5.8.1, 5.8.2, 5.8.7, 5.8.8 yoʻl belgilari bilan belgilanadi. Ular boʻlmasa, haydovchilar qatnov qismining kengligi, transport vositalarining gabarit oʻlchamlari va zarur yonlama oraliq masofani hisobga olib oʻzlari aniqlaydi (64-band).
- Ikki tomonlama harakatli yoʻlda qatnov qismining chap yarmi qarama-qarshi yoʻnalish uchun hisoblanadi. U tramvay yoʻli, ajratuvchi mintaqa, uzluksiz 1.1, 1.3 chiziqlar yoki uzuq-uzuq tomoni chapda joylashgan 1.11 chizigʻi bilan ajratilgan boʻlsa, unga chiqish taqiqlanadi (64-band).
- Toʻrt va undan ortiq tasmali yoʻlda qarama-qarshi tasmalarga chiqish taqiqlanadi. Chiziqlar bilan belgilangan uch tasmali (1.9 chizigʻidan tashqari) ikki tomonlama yoʻlda oʻrta qatorga faqat quvib oʻtish, aylanib oʻtish, chapga burilish va qayrilib olish uchun chiqiladi; chetki chap qatorni egallash taqiqlanadi (65, 66-band).
- Aholi punktlaridan tashqarida qatnov qismining oʻng chetiga mumkin qadar yaqin yuriladi; oʻng tasmalar boʻsh boʻlsa, chap tasmalarni egallash taqiqlanadi. Aholi punktlarida qulay tasmadan foydalanish mumkin. Soatiga 40 km dan oshira olmaydigan transport vositalari chetki oʻng qatordan yuradi, aylanib oʻtish, quvib oʻtish va chapga burilish uchun qayta tizilish bundan mustasno (67, 68-band).
- Bir yoʻnalishda uch va undan ortiq tasma boʻlsa, chetki chap qatorni serqatnovlik tufayli boshqa tasmalar band boʻlganda, quvib oʻtish, chapga burilish yoki qayrilib olish uchun egallash mumkin; yuk avtomobillari uni faqat chapga burilish yoki qayrilib olish uchun egallaydi (67-band).
- Chap tomondagi, qatnov qismi bilan bir sathdagi bir yoʻnalishli tramvay yoʻlidan boshqa tasmalar band boʻlganda, aylanib oʻtishda, chapga burilishda va qayrilib olishda tramvayga xalaqit bermay yurish mumkin. Qarama-qarshi yoʻldan yurish taqiqlanadi; chorraha oldida 5.8.1 yoki 5.8.2 belgisi boʻlsa, chorrahada tramvay yoʻlidan yurilmaydi (69-band).
- Qatnov qismi chiziqlar bilan tasmalarga ajratilgan boʻlsa, qatʼiy oʻz tasmangizda yuriladi; uzuq-uzuq chiziqni faqat qayta tizilishda bosib oʻtish mumkin (70-band). Reversiv harakatli yoʻlga burilganda qatnov qismlari kesishmasidan chiqib, chetki oʻng qatorni egallash kerak (71-band).
- Mexanik transport vositalarining ajratuvchi mintaqalar, yoʻl yoqalari, trotuarlar, piyodalar va velosiped yoʻlkalarida harakatlanishi taqiqlanadi. Boshqa imkoniyat boʻlmasa, yoʻl yoqasi yoki trotuar oldidagi savdo shoxobchalari va korxonalarga yuk olib kirish uchun eng yaqin yoʻldan kirishga ruxsat etiladi (72-band).
- Haydovchi oldidagi transport vositasi keskin tormoz berganda toʻqnashib ketmaslik kafolatini beradigan oraliq masofani va xavfsiz yonlama oraliq masofani saqlaydi; metrlarda belgilangan son yoʻq. Toʻsiq oʻz tomonida boʻlgan haydovchi yoʻl beradi; koʻprik ustunlari va xavfsizlik orolchalari oʻng tomondan aylanib oʻtiladi (73, 75, 76-band).
Imtihondagi tez-tez uchraydigan xato: Soatiga 40 km dan oshira olmaydigan transport vositasi chap tasmaga faqat chapga burilish va qayrilib olish uchun chiqadi, deb hisoblash: aylanib oʻtish va quvib oʻtish uchun ham chiqish mumkin.
Mavzu boʻyicha mashq
Trenajyor «Transport vositalarining joylashuvi» mavzusi savollarini ochadi: 43 savol. 90% dan yuqori natija oʻtilgan mashq hisoblanadi.
Bu darsdagi belgilar
Mavzu boʻyicha YHQ bandlari
Oʻzbekiston YHQ rasmiy matnida:


