Avtodrom: 12 ta mashq va jarima ballari
Avtodromdagi amaliy imtihon 12 ta mashqdan iborat. Xatolar uchun jarima ballari qoʻyiladi: kichik, oʻrta va qoʻpol xatolar. «Svetofor» avtomaktabining oʻz avtodromi Toshkentning Chilonzor tumanida joylashgan, moʻljal — Arnasoy koʻchasi (sobiq Pionerskaya koʻchasi).
Simulyatorda mashq qiling
Maydon marshruti 3D formatda: imtihon mashqlari, svetoforlar va shu jadval boʻyicha jarima ballari. Brauzerda bepul ishlaydi — telefonda ham, kompyuterda ham. Simulyatorda barcha 12 ta mashq bor: maydonning oʻzida temir yoʻl kesishmasi yoʻq, u marshrutga qoʻshilgan.
Avtodromdagi 12 ta mashq
Amaliy imtihon mashqlari roʻyxati.
- Harakatni boshlash (START)
- Piyodalar oʻtish joyi
- Toʻxtash va tik balandlikka koʻtarilish (Estakada)
- 90 gradus burchak ostida burilishlar
- Ilon izi
- Harakat tartibga solingan chorraha
- Tor joyda qayrilib olish uchun boksga kirish
- Temir yoʻl kesishmasi (tartibga solinmagan)
- Tezlashish boʻlagi
- Avariya holatda toʻxtash
- Orqaga harakatlanib parallel toʻxtash (Parkovka)
- Harakatni yakunlash (FINISH)
Jarima ballari
32 ta xatodan iborat jadval. Har bir xato uchun ball belgilangan. 100 jarima balli toʻplansa, imtihon topshirilmagan hisoblanadi.
Kichik xatolik 9 ta xato
| Xato | Ball |
|---|---|
| Xavfsizlik kamarini taqmadi | 5 |
| Chapga burilish chirogʻini yoqmasdan “Start” chizigʻini kesib oʻtdi | 5 |
| “Start” chizigʻidan keyin 10 metr masofada chapga burilish chirogʻini oʻchirmadi | 5 |
| “Toʻxtash chizigʻi”dan oldin 1 metrdan koʻproq masofada toʻxtatdi | 5 |
| Tegishli yoʻnalishdagi burilish chirogʻini yoqmadi | 5 |
| 4.7 va 3.24 yoʻl belgilarining talablarini buzdi | 5 |
| “Harakatlanishni yakunlash (Finish)” chizigʻini kesib oʻtishdan oldin oʻngga burilish ishorasini yoqmadi | 5 |
| Harakatlanish tezligini 20 km/soatdan oshirib yubordi (“Yoʻlning tezlashish qismida harakatlanish” mashqini bajarishdan tashqari)har 5 soniya uchun | 5 |
| Svetoforning ruxsat beruvchi ishorasida chorrahadan oʻtish uchun 30 soniyadan koʻp vaqt sarfladi | 10 |
Oʻrta xatolik 13 ta xato
| Xato | Ball |
|---|---|
| “Start” ishorasidan keyin 30 soniya davomida harakatni boshlamadi | 25 |
| “Toʻxtash chizigʻi”ning oldida toʻxtamadi yoki uni bosib oʻtdi | 20 |
| Toʻxtagandan soʻng 3 soniya oʻtmasdan harakatni boshladi | 20 |
| “Estakada” mashqida toʻxtagandan soʻng 30 soniya davomida harakatni boshlamadi | 25 |
| “Estakada” mashqida toʻxtagandan soʻng yoki harakatni boshlashdan oldin transport vositasi orqaga 0,3 metrdan ortiq siljidi | 20 |
| “90 gradus burilish” va “Ilon izi” mashqlarini bajarishda nazorat chizigʻini bosdi | 20 |
| “90 gradus burilish” va “Ilon izi” mashqlarini bajarishga 2 daqiqadan koʻp vaqt sarfladi | 15 |
| “Boksga kirish” va “Parallel toʻxtash” mashqlarida gʻildiraklarni mashqni bajarishning qayd etish chizigʻiga qoʻymadi | 20 |
| Yoʻlning tezlashish qismida harakatlanishda ikkinchi uzatmani qoʻshmadi | 25 |
| Transport vositasining salonida tovushli va/yoki yorugʻlik ishorasi yonganidan soʻng 2 soniya ichida transport vositasini toʻxtatmadi | 20 |
| “Avariya holatda toʻxtash” mashqida toʻxtagandan soʻng 3 soniya ichida avariya ishorasini yoqmadi | 20 |
| “Avariya holatda toʻxtash” mashqida harakatni boshlashdan oldin avariya ishorasini oʻchirmadi | 10 |
| Sinov mashqlarini bajarayotganda dvigatelni oʻchirib qoʻydihar bir xato uchun | 20 |
Qoʻpol xatolik 10 ta xato
| Xato | Ball |
|---|---|
| “Start” ishorasidan keyin 40 soniya davomida harakatni boshlamadi | 100 |
| Svetoforning taqiqlovchi ishorasida chorrahaga kirdi yoki transport vositasining eng oldingi nuqtasi “Toʻxtash chizigʻi”dan oʻtdi | 100 |
| Temir yoʻl kesishmasidan toʻxtamasdan oʻtdi | 50 |
| Imtihonni oʻzboshimchalik bilan tark etdi yoki sinov mashqlarini bajarishni rad etdi | 100 |
| Sinov mashqlaridan birini bajarmadi | 100 |
| Sinov mashqlarini bajarish uchun belgilangan yoʻnalishdan chetga chiqib ketdi | 100 |
| Sinov mashqlarida koʻzda tutilmagan joylarda orqaga harakatlandi | 100 |
| Boshqa transport vositasi bilan toʻqnashuv sodir qildi yoki toʻsiqqa borib urildi | 100 |
| Harakatlanish tezligini 40 km/soatdan oshirib yubordi | 100 |
| Amaliy imtihon uchun belgilangan umumiy vaqtdan oshib ketdi | 100 |
Jadval manbasi: Oʻzbekiston imtihon qabul qilish markazi (rasmiy maʼlumot). Jadval tayyorgarlik uchun berilgan; aniq talablar va ballarni imtihon markazi belgilaydi.
Imtihon haqida batafsil: Amaliy imtihon: avtodrom va mashqlar