5.12 yoʻl belgisi «Avtobus va trolleybus toʻxtash joyi»

5.12 belgisi nimani anglatadi
Avtobus va (yoki) trolleybus toʻxtash joyini bildiradi.
Qayerda oʻrnatiladi
Bekatning boshlanishida, yoʻlovchi kutish maydonchasi yonida oʻrnatiladi; bekat 1.17 sariq zigzag chizigʻi bilan ham belgilanishi mumkin.
Haydovchi nima qilishi kerak
- Yoʻnalishli transport vositalarining toʻxtash joyi koʻrsatkichidan har ikki tomonda (yetmasdan va oʻtib ketib) 15 metrdan kam masofada toʻxtash taqiqlanadi (yoʻlovchilarni chiqarish yoki tushirish uchun toʻxtash, agar bu yoʻnalishli transport vositalarining harakatiga xalaqit bermasa — bundan mustasno) (YHQ 91-band).
- Aholi punktida bekatdan chiqayotgan avtobus-trolleybusga yoʻl berish kerak; u esa yoʻl berilganiga ishonch hosil qilgandan keyingina harakatlanadi.
Shu belgiga oid test savollari
Trenajyorda shu belgiga bogʻliq savollar bor.
Mazkur belgi nima haqida xabar beradi?
Toʻgʻri javob: Trolleybus yoki avtobus toʻxtash joylarini bildiradi
53-bilet, 17-savolni ochish





