7-modul: Shatak, oʻqitish va tashish · 43 tadan 36-dars

Odam tashish

Yoʻlovchilar, bolalar, yuk mashinasi kuzovi

  • video 6 daq
  • 39 savol
Tezlik
Keyingi dars

Videoga aniqlik kiritish

  • Videoda aytilgan: Odam tashiladigan yukxonaning borti kamida 0,3 metr boʻlishi kerak.

    YHQ boʻyicha: Odam tashish uchun moʻljallangan yuk avtomobili yukxonasining borti 1,3 metrdan kam boʻlmasligi shart; oʻrindiqlar yukxonaning pastki qismidan 0,3 — 0,5 metr balandlikda mahkamlangan boʻlishi kerak (153-band).

Mavzu haqida qisqacha

  • Odam tashish uchun moʻljallangan yuk avtomobili yukxonasida odam tashishni «C» toifali va shu toifada kamida 3 yil stajli haydovchi amalga oshiradi; kabinadagilar bilan 8 nafardan ortiq boʻlsa, qoʻshimcha «D» toifa ham kerak (152-band).
  • Bunday avtomobil yukxonasining borti 1,3 metrdan kam boʻlmasligi, oʻrindiqlar esa yukxonaning pastki qismidan 0,3—0,5 metr balandlikda mahkamlangan boʻlishi kerak (153-band).
  • Odam tashishga moslashtirilmagan yuk avtomobilining yukxonasida faqat yukni olishga borayotgan yoki kuzatib borayotgan shaxslar, bort sathidan pastdagi oʻrindiqda boʻlishi mumkin (154-band).
  • Bolalarni yuk avtomobillarining yukxonasida, shuningdek odamlarni traktor va oʻziyurar uskunalarda, yuk tashiladigan tirkamada tashish taqiqlanadi (159-band).
  • Odamlar soni transport vositasining texnik tavsifnomasida koʻzda tutilgan miqdordan ortiq boʻlmasligi kerak; haqiqiy vazn ruxsat etilgan vazndan oshmasligi shart (159-band).
  • 12 yoshga toʻlmagan bolalarni mototsikl, moped va skuterning orqa oʻrindigʻida, shuningdek bolalarni ushlab turuvchi maxsus qurilma oʻrnatilmagan transport vositasining old oʻrindigʻida tashish taqiqlanadi (159-band).
  • Bolalar guruhini tashkiliy tashishda avtobus (mikroavtobus)da katta yoshli kuzatuvchi boʻlishi, oldi va orqasiga «Bolalar guruhini tashish» belgisi oʻrnatilishi shart (156-band).
  • Harakatni boshlashdan oldin haydovchi yoʻlovchilarga xavfsizlik choralari, chiqish, tushish va joylashish tartibi haqida tushuncha berishi kerak (157-band).
  • Shatakka olingan avtobus, trolleybus va yuk avtomobili yukxonasida odam tashish taqiqlanadi (143-band).

Imtihondagi tez-tez uchraydigan xato: Yuk avtomobili yukxonasida odam tashish umuman ruxsat, deb javob berishadi; bu faqat 153-bandga muvofiq oʻrindiqlar bilan jihozlangan boʻlsa mumkin.

Mavzu boʻyicha mashq

Trenajyor «Odam va yuk tashish» mavzusi savollarini ochadi: 39 savol. 90% dan yuqori natija oʻtilgan mashq hisoblanadi.

Mavzu boʻyicha YHQ bandlari

Oʻzbekiston YHQ rasmiy matnida:

Qoʻngʻiroq qilish