1-modul: Asoslar va vazifalar · 43 tadan 1-dars

Umumiy qoidalar va atamalar

YHQ lugʻati: testdan oʻtish uchun shart atamalar

  • video 31 daq
  • 52 savol
Tezlik
Keyingi dars

Mavzu haqida qisqacha

  • Yoʻl harakati ishtirokchisi — transport vositasining haydovchisi, yoʻlovchisi yoki piyoda sifatida harakatda bevosita ishtirok etayotgan shaxs. Yoʻlovchi — haydovchidan tashqari transport vositasidagi, shuningdek, unga kirayotgan yoki undan chiqayotgan shaxs (6-band).
  • Asosiy yoʻl — tuproqli yoki shagʻalli yoʻlga nisbatan qattiq qoplamali yoʻl; ikkinchi darajali yoʻlning chorrahaga tutash qismi qoplamali boʻlishi uni teng huquqli qilmaydi. Qoplama aniqlanmasa va imtiyoz belgilari boʻlmasa, yoʻl ikkinchi darajali hisoblanadi (6-band; 108-band).
  • Chorraha — yoʻllarning oʻzaro bir sathda kesishadigan, tutashadigan va ayriladigan joyi. Yondosh hududlardan (hovli, mahalla, toʻxtab turish joyi, yonilgʻi quyish shoxobchasi) chiqish joylari chorraha hisoblanmaydi; chiqayotganlar hammaga yoʻl berishi shart (6-band).
  • Qatnov qismi — yoʻlning relssiz transport vositalari uchun moʻljallangan qismi. Harakatlanish tasmasi — bir qator harakat uchun yetarlicha keng boʻylama tasma, chiziq bilan belgilangan yoki belgilanmagan. Ajratuvchi mintaqa — yoʻl sathidan koʻtarilgan yoki maysazor, ariq, toʻsiq bilan ajratilgan qism (6-band).
  • Oʻzib ketish — bir yoʻnalishda boshqa transport vositasidan ortiq tezlikda harakatlanish. Quvib oʻtish — qarama-qarshi tasmaga chiqib, ilgarigi qatoriga qaytish bilan bogʻliq oʻzib ketish. Qayta tizilish — yoʻnalishni saqlagan holda boshqa tasmaga oʻtish (6-band).
  • Imtiyoz — moʻljallangan yoʻnalishda boshqa ishtirokchilarga nisbatan oldin harakatlanish huquqi. Yoʻl berish — imtiyozli ishtirokchini yoʻnalishi yoki tezligini oʻzgartirishga majbur qiladigan harakatni boshlamaslik yoki davom ettirmaslik. Teng yoʻllar chorrahasida oʻngdan kelayotganga yoʻl beriladi (6-band; 105-band).
  • Toʻxtash — harakatni 10 daqiqagacha toʻxtatish; toʻxtab turish — yoʻlovchi chiqarish-tushirish, yuk ortish-tushirish bilan bogʻliq boʻlmagan holda 10 daqiqadan koʻp atayin toʻxtash. Majburiy toʻxtash qoidabuzarlik emas; avariya belgisi aholi punktida kamida 15 m, undan tashqarida kamida 30 m oldin qoʻyiladi (6-band; 51-band).
  • Yetarlicha koʻrinmaslik — yomgʻir, qor, tuman yoki gʻira-shira vaqtda yoʻl koʻrinishi 300 m dan kam boʻlishi. Aholi punkti 5.22 — 5.25 belgilari bilan, piyodalar oʻtish joyi 5.16.1, 5.16.2, 5.48 belgilari va 1.14.1 — 1.14.4 yoki 1.29.1 — 1.29.3 chiziqlari bilan belgilanadi (6-band).
  • Yoʻl-transport hodisasi — transport vositasining yoʻlda harakatlanishi jarayonida sodir boʻlgan, odamlar vafot etgan yoki sogʻligʻiga zarar yetgan, transport vositalari, inshootlar, yuklar shikastlangan hodisa. Avariya holatini yuzaga keltirish — boshqalarni yoʻnalish yoki tezlikni keskin oʻzgartirishga majbur qilish (6-band).

Imtihondagi tez-tez uchraydigan xato: Yonilgʻi quyish shoxobchasi yoki hovlidan chiqishni chorraha deb hisoblash: bu yondosh hudud, undan chiqayotgan hammaga yoʻl beradi.

Mavzu boʻyicha mashq

Trenajyor «Umumiy qoidalar» mavzusi savollarini ochadi: 52 savol. 90% dan yuqori natija oʻtilgan mashq hisoblanadi.

Bu darsdagi belgilar

Barcha yoʻl belgilari

Mavzu boʻyicha qisqa roliklar

Bitta mavzu — 1–2 daqiqalik bitta rolik.

Yana 40 ta rolik

Mavzu boʻyicha YHQ bandlari

Oʻzbekiston YHQ rasmiy matnida:

Qoʻngʻiroq qilish